బియ్యం డబ్బులు

మన సింధు అంత కష్టపడి పతకం సాధిస్తే, అంత దూరం నుంచి వచ్చి సచిన్ బియ్యం డబ్బులు ఇచ్చి పోతాడా?

నాయకత్వ లక్షణాలు

Manager : నీకు నాయకత్వ లక్షణాలు ఉన్నాయా?
Employee :   ఉన్నాయి సార్.
Manager: అంత ఖచ్చితంగా ఎలా చెప్పగలవు?
Employee: ఏడాదిన్నరగా రెండు వాట్సప్ గ్రూపులకు అడ్మిన్ గా ఉన్నా సార్. 

సహాయం

తెల్లవారు జామున మూడుగంటలు..
జోరుగా వర్షం కురుస్తూ ఉంది...

పార్క్ ఎదురుగా ఉండే ఒక ఇంట్లో
భార్యాభర్తలు నిద్రపోతున్నారు..

అప్పుడు తలుపు తట్టిన శబ్దం విని భర్త మాత్రం లేచి వచ్చి తలుపు తీశాడు..
తలుపు తీసిన వెంటనే అక్కడొక వ్యక్తి నిలబడి ఉన్నాడు. కొంచెం తాగినట్లున్నాడు..

" సార్ , ఒక సహాయం చేస్తారా... కొంచెం అక్కడికి వచ్చి తోస్తారా ప్లీజ్? " అని అడిగాడు..

" కుదరనే కుదరదు. ఏమయ్యా తెల్లవారుజాము మూడుగంటలకి ఎందుకయ్యా డిస్టర్బ్ చేస్తావు. " అని తలుపు మూసి వెళ్ళి పడుకున్నాడు ఆ భర్త..

" ఎవరండి" అని అతని భార్య అడిగింది భర్తని...

" ఎవరో ఒక తాగుబోతులా ఉన్నాడు. వచ్చి కారో, ఇంకేదో తొయ్యగలరా అని అడిగాడు."

" మీరు సహాయం చేశారా..."

" చేయలేదు. తెల్లవారుజాము మూడైంది. బయట వర్షం జోరుగా కురుస్తుంది. ఎవరెల్తారులే.."

" 3 నెలల ముందు మన కారు రిపేరయ్యి రోడ్లో ఆగిపోయినపుడు ఇద్దరు వచ్చి సహాయం చేశారే? ఆ రోజు వారు కూడా తాగి ఉన్నారుగా. ఇప్పుడు మీరు సహాయం చేయకపోతే ఎలా? దేవుడు తాగుబోతులని కూడా ప్రేమిస్తాడు.." అని అతని భార్య చెప్పింది..

భార్య మాట విన్న భర్తకి ఆ రోజు జరిగినదంతా కళ్ళముందు కదిలి కళ్ళు చెమర్చాయి.
భర్త లేచి టార్చ్ వేసుకుని వర్షంలో తడుచుకుంటూ బయటికి వెళ్లాడు..

చీకటి పైగా వర్షంలో యేమీ సరిగ్గా తెలియడం లేదు.. గట్టిగా ఇలా అన్నాడు..

" హలో,  మీరింకా ఉన్నారా. "

" అవును సార్ . ఉన్నాను.. " అని పక్కనుంచి సమాధానం..

" ఏదో తొయ్యడానికి సహాయం కావాలన్నారు. ఇప్పుడు సహాయం చేయచ్చా?"

" అవును సార్ కొంచెం తోస్తే నాకు తృప్తిగా ఉంటుంది.."

" సరే, , ఎక్కడున్నారు..? "

" ఇక్కడే పార్క్ లోని ఉయ్యాలలో కూర్చొని ఉన్నాను. వచ్చి తోయండి సార్ ప్లీజ్.."